Господ Исус Христос е второто лице на Светото Тројство. Тој е вечниот Збор – Логос, Единородниот Син, наш Бог и Спасител. Тој е испратен од Таткото, слезе од небото, зема врз себе човечка природа преку чудесното отелотворување, зачнат од Светиот Дух, роден од девица, стана човек како нас во се, освен во гревот. Тој е совршен Бог и совршен човек – Богочовек.
Беше распнат на крст, умре на крстот да ја задоволи Божјата праведност со Својата застапничка смрт, ги понесе врз Себе гревовите на целиот свет. Преку пролевањето на Неговата света крв стана Божја правда за нас. Беше погребан и воскресна во тело на третиот ден. Беше вознесен на небото, каде седи од десната страна на Таткото како вечен Првосвештеник Кој се застапува за својот народ. Тој повторно ќе дојде во слава, како што вети, и ќе им суди на живите и мртвите, од сите народи и нации.

Светиот Дух е третата личност на Троединиот Бог, еднаков по сила, светост и мудрост со Бог Таткото и Бог Синот. Неговата служба е да го увери светот за гревот и да го нановороди секој кој ќе поверува во Господ Исус Христос. Се вселува во секој кој е новороден и го запечатува за денот на избавувањето. Светиот Дух дава сила, исполнува, води, охрабрува, учи и ги посветува сите оние кои преку Христос станале Божји деца.

Човекот е Божјо создание кое поседува дух, душа и тело. Поради својата лична непослушност во Адам, падна во првобитниот грев и стана одвоен од Бог. Секој човек е достоен и вреден за христијанска почит и љубов бидејќи е Божјо создание за кое Христос умре и воскресна.

Спасението е по благодат, преку вера. Спасението е бесплатен Божји дар. Тоа се прима со вера во Господ Исус Христос заради чија жртва добиваме сигурност дека ни е простен секој грев и дека со Него ќе живееме вечно. Спасението се однесува на целото човечко битие